മലപ്പുറം: കടുത്ത വേനൽച്ചൂടിനിടെ തിരുനാവായയിൽ പെയ്ത മഴയ്‌ക്കൊപ്പം വെളുത്ത പത പ്രത്യക്ഷപ്പെട്ടത് നാട്ടുകാരിൽ ആശങ്കയുണ്ടാക്കി. താനൂർ കൈത്തക്കര, കുത്തുകല്ല് മേഖലകളിലാണ് ശനിയാഴ്ച വൈകുന്നേരമുണ്ടായ വേനൽമഴയ്‌ക്കൊപ്പം അസാധാരണമായി പത അടിഞ്ഞുകൂടിയത്. ടെറസുകളിൽ നിന്നും പഞ്ഞി വിതറിയതുപോലെ പത താഴേക്ക് ഒഴുകുകയായിരുന്നു.
അന്തരീക്ഷത്തിലെ പൊടിപടലങ്ങളോ രാസവസ്തുക്കളോ മഴവെള്ളവുമായി കലരുമ്പോഴോ, മരങ്ങളുടെ ഇലകളിൽ നിന്ന് മഴത്തുള്ളികൾ പതിക്കുമ്പോഴോ ഇത്തരം 'ഫോം റെയിൻ' (Foam Rain) ഉണ്ടാകാൻ സാധ്യതയുണ്ടെന്ന് വിദഗ്ധർ പറയുന്നു. ഇത് അപൂർവ്വമാണെങ്കിലും അമിതമായി ഭയപ്പെടേണ്ട സാഹചര്യമില്ലെന്ന് കാലാവസ്ഥാ നിരീക്ഷകർ വ്യക്തമാക്കി.
0 Comments