മലപ്പുറം: വരാനിരിക്കുന്ന 2026-ലെ നിയമസഭാ തിരഞ്ഞെടുപ്പിൽ മുസ്ലിം ലീഗ് രാഷ്ട്രീയത്തിലെ കരുത്തനായ നേതാവ് പി.കെ. കുഞ്ഞാലിക്കുട്ടി മലപ്പുറം മണ്ഡലത്തിൽ മത്സരിക്കുമെന്ന് ഏകദേശ ധാരണയായി. നിലവിൽ അദ്ദേഹം എം.എൽ.എ ആയിരിക്കുന്ന വേങ്ങര മണ്ഡലത്തിൽ ഇത്തവണ മത്സരിക്കില്ലെന്നാണ് പുറത്തുവരുന്ന സൂചനകൾ.
യു.ഡി.എഫിന്റെയും മുസ്ലിം ലീഗിന്റെയും ഉറച്ച കോട്ടയായ മലപ്പുറത്ത് കുഞ്ഞാലിക്കുട്ടി എത്തുന്നതോടെ തിരഞ്ഞെടുപ്പ് പോരാട്ടം കൂടുതൽ ആവേശകരമാകും. കഴിഞ്ഞ കുറച്ചു കാലങ്ങളായി കുഞ്ഞാലിക്കുട്ടി മണ്ഡലം മാറുന്നത് സംബന്ധിച്ച ചർച്ചകൾ രാഷ്ട്രീയ വൃത്തങ്ങളിൽ സജീവമായിരുന്നു. പാർട്ടി വോട്ടുകൾക്കപ്പുറം വ്യക്തിപരമായ സ്വാധീനവും മലപ്പുറം മണ്ഡലത്തിൽ അദ്ദേഹത്തിന് അനുകൂലമാകുമെന്നാണ് വിലയിരുത്തപ്പെടുന്നത്.
സംസ്ഥാന രാഷ്ട്രീയത്തിൽ സജീവമായി തുടരുന്ന കുഞ്ഞാലിക്കുട്ടി, മലപ്പുറത്തേക്ക് മാറുന്നതിലൂടെ ജില്ലയിലെ മറ്റ് മണ്ഡലങ്ങളിലും വലിയ സ്വാധീനം ചെലുത്താൻ സാധിക്കുമെന്ന് പാർട്ടി നേതൃത്വം കരുതുന്നു. എന്നാൽ വേങ്ങരയിൽ പകരം ആര് മത്സരിക്കും എന്ന കാര്യത്തിൽ ഇതുവരെ ഔദ്യോഗികമായ സ്ഥിരീകരണങ്ങൾ ഒന്നും തന്നെ പുറത്തു വന്നിട്ടില്ല. വരും ദിവസങ്ങളിൽ സ്ഥാനാർത്ഥി നിർണ്ണയം സംബന്ധിച്ച കൂടുതൽ വ്യക്തതയുണ്ടാകുമെന്നാണ് പ്രതീക്ഷിക്കുന്നത്.
0 Comments