വേങ്ങര: നിയമസഭാ തെരഞ്ഞെടുപ്പിനുള്ള സ്ഥാനാർത്ഥി നിർണ്ണയം പൂർത്തിയായതോടെ വേങ്ങര മണ്ഡലത്തിൽ ഇടതുപക്ഷ ജനാധിപത്യ മുന്നണി (LDF) സ്ഥാനാർത്ഥിയായി സബാഹ് കുണ്ടുപുഴക്കൽ ജനവിധി തേടും. സി.പി.ഐ സ്ഥാനാർത്ഥി പട്ടിക പുറത്തിറക്കിയതിന് പിന്നാലെയാണ് വേങ്ങരയിലെ സ്ഥാനാർത്ഥിത്വത്തിൽ ഔദ്യോഗിക സ്ഥിരീകരണമായത്.
കഴിഞ്ഞ നിയമസഭാ തെരഞ്ഞെടുപ്പിൽ സ്വതന്ത്ര സ്ഥാനാർത്ഥിയായി മത്സരിച്ച് പതിനൊന്നായിരത്തിലധികം വോട്ടുകൾ നേടി ശ്രദ്ധേയമായ മുന്നേറ്റം കാഴ്ചവെച്ച വ്യക്തിയാണ് സബാഹ് കുണ്ടുപുഴക്കൽ. ഇത്തവണ എൽ.ഡി.എഫ് ബാനറിൽ സബാഹ് എത്തുന്നതോടെ വേങ്ങരയിൽ ശക്തമായ ത്രികോണ മത്സരം നടക്കുമെന്നാണ് രാഷ്ട്രീയ നിരീക്ഷകർ വിലയിരുത്തുന്നത്.
യുവജനങ്ങൾക്കിടയിലുള്ള സ്വാധീനവും മണ്ഡലത്തിലെ ജനകീയ വിഷയങ്ങളിലെ സജീവ ഇടപെടലുമാണ് സബാഹിനെ സ്ഥാനാർത്ഥിയായി നിശ്ചയിക്കാൻ മുന്നണിയെ പ്രേരിപ്പിച്ചത്. മുസ്ലിം ലീഗിന്റെ ഉറച്ച കോട്ടയായ വേങ്ങരയിൽ വികസന മുദ്രാവാക്യങ്ങൾ ഉയർത്തിപ്പിടിച്ചായിരിക്കും എൽ.ഡി.എഫിന്റെ പ്രചാരണം.
തെരഞ്ഞെടുപ്പ് കമ്മീഷൻ പോളിംഗ് തീയതി പ്രഖ്യാപിച്ചതോടെ വരും ദിവസങ്ങളിൽ മണ്ഡലത്തിൽ പ്രചാരണം ഊർജ്ജിതമാകും. ഏപ്രിൽ 9-നാണ് കേരളത്തിൽ വോട്ടെടുപ്പ് നടക്കുന്നത്.
0 Comments