വേങ്ങര: ചെന്നൈയിലുണ്ടായ വാഹന അപകടത്തിൽ മലപ്പുറം കുറ്റൂർ മാടംചിന സ്വദേശി മരണപ്പെട്ടു. മാടംചിന സ്വദേശി പൂവഞ്ചേരി അബൂബക്കർ കാക്ക ആണ് തിരുവള്ളൂരിൽ വെച്ച് അപകടത്തിൽപ്പെട്ടത്.
ഇന്ന് (ചൊവ്വാഴ്ച) പുലർച്ചെ അഞ്ച് മണിയോടെ അദ്ദേഹം ജോലി ചെയ്യുന്ന സ്ഥാപനത്തിന് സമീപത്ത് വെച്ചായിരുന്നു അപകടം സംഭവിച്ചത്. മൃതദേഹം ഇപ്പോൾ തിരുവള്ളൂരിലെ ആശുപത്രിയിൽ സൂക്ഷിച്ചിരിക്കുകയാണ്.
അപകടവിവരമറിഞ്ഞ് ചെന്നൈയിലുള്ള സഹോദരപുത്രൻ ഗഫൂർ സംഭവസ്ഥലത്തേക്ക് പുറപ്പെട്ടിട്ടുണ്ട്. അദ്ദേഹം എത്തിയതിനുശേഷം മാത്രമെ ഇൻക്വസ്റ്റ് നടപടികൾക്കും മൃതദേഹം നാട്ടിലെത്തിക്കുന്നതിനും സംബന്ധിച്ച കൂടുതൽ വിവരങ്ങൾ ലഭ്യമാവുകയുള്ളൂ എന്ന് ബന്ധുക്കൾ അറിയിച്ചു.
0 Comments